حالات شعر عامي
عوّدت نفسي:مااتعوّد على إنسان اللي وصل من مُرّ الأيام كافي! خيبات وجروح ومواجع وخذلان مافيه أحد يبقى على طول وافي.
كنت غالي وكان لك قدر ومقام وكنت هاقي فيك فـ اليوم العِسر كنت أشوفك وسط هالظُلمة نهار وكنت أظن وصار ظني مايسر ! جيت أمررها كأن ماشي صار بس قسم بالله عيّت لا تمر إيه متشرّه .. وشرهاتي كبار وشرهة الغالي على الغالي عمر.
مايزعلني غيابك يا غايب بدون أسباب ليه ازعل وأنا من غيبتك صرت متعود ما والله تسمع من فمي كلمتين عتاب على راحتك روح وعلى راحتك عود .
والله ماعندي حبيب ولا شي اجمع أحساس الخلايق وأصبه المجتمع وأحد والأعذار هي هي هو فيه أحد يستاهل أني أحبه؟
الناس تتزاحم على شرب الأنهار وأنا مكفيني عن الناس بيري ويوم الطيور تهاجر وتقطع بحار أنا مبرقع داخل الصدر طيري ماني لكل مضيع دياره ديار ولاهو ضروري كلٍ يذوق خيري أنا فدى اللي ينتظرني على نار إن غبت عنه ما يعوضه غيري
مالله كتب لي فيك حظ ولا نصيب الواقع أصدق .. من يا ليت ، وربما حتى لو إن إحساس قلبي ما يخيب سفك الشعور أشد من سفك الدما والغيمة اللي تاخذ شوي .. وتغيب ما تغري ألا .. الميّتين ، من الضما أحيان .. حتى اللي تحس إنه قريب يمكن يكون أبعد عليك من السما
تكاثرتك الليالي وأخذتك معها وتشمتت فيّ ناسٍ جعلها ماتكثر كنت أقدر أكتب مشاعر وأتصنعها لا تسأل الحين وشـ اللي فيك متغيّر ؟ لو قلبك أطهر قلوب الناس وأروعها تقدر تقول اللي بـ خاطرك ؟ ماتقدر
الصدفة اللي جابتك وإلا القدر مدري ولكن المشاعر حيّت بك القلب شرّع لك غلاه وما استخر لين استراحت مُهجتي في ظلك دايم تبشرين بـ المطر وأنتي المطر اللي يربّـع خاطري من جيتك .
انسحب من كل قلبٍ ما يشيلك وأبتعد عن كـل عينٍ ما تودك و الاا تجي للي تجيه وما يجيلك ولا تعد اللي تعمد ما يعدك .
أنا مع نرجسية البيت اللي يقول : انا ماتستخِير فيني. .انا تختارني وتصلي بي شكر 🔥🖤”.
وادعيني لو أنا ضد الوداع لان في عيونك من اللهفه لقا هبت ظروفك وأنا صدري شراع مايضيع هقوة اللي به هقى غلطة العاشق بقو الإندفاع لكن الظاهر أنا غاوي شقا تقصر الأعمار والدنيا متاع لو تروح أحلامنا وش هو بقى
وشلون لامرّت على البْال ذكراك وطيّفك سرق مني لذيْذ الرقادِي؟ وشلون لا قالوا لِي الناس وش جّاك من كنّت في لذْة منامك تنـاديّ؟
مخيف انك تكون الصادق الاوحد تحارب زيف دنيا موتها صدقك عظيم تكون مع مبداك متوحد كبير بعين من يعرف مدى عمقك
يا قــرة عيــون الغــلا مــانسيتك أحس بأحساسك وانا في مكاني تبقى القلــوب كبار مهمــا جفيتك ويبقى غلاك بداخلي مــاجفــاني❤️
نور عيني يابعد كل العيون كيف أعبر عن شعوري في غلاك ياملاذ الروح ياالقلب الحنون جعل روحي يابعد روحي فداك
أرجوك ساعدني على شان أخليك أنا تعبت أسهر وأفكر وأحاتي إعتقني الله يعتق إيدي من إيديك بروح أدور في حياتي .. حياتي
يالي جمالك ماله حدود كل يوم وانت بعيني تزين غالي وقدرك دايم يزود بين البشر مامنك اثنين
ترى القصــايد مابرت جـــرح مغليك وماهو فخر لا قالو الناس شـــــاعر اكبر فخـــر لا جيت محتــاج وابيك ضميتني بإحسـاس وحب ومشاعر ,,❤️
عسى السحاب اللي صوت بروقها يدوي والغيمة اللي تبلّ الأرض من ماها تاخذ كثير أحلامي اللي من على صدري وأشوفها تتحقق قدام عيني وأتحلّاها
نسيتني علّمني شْلون أبـ انساك في هالزمن نسيان الاحباب عادي وشلون لامرّت على البال ذكراك وطيفك سرق مني لذيذ الرقادي وشْلون لاقالوا لي الناس وش جاك من كنت في لّذة منامك تنادي وشْلون اعيش اللي بقالي بليّاك لا من غدينا كل واحد بوادي لو قلت اداوي جرحي اللي تباطاك ماكلّ جرح يْفيد فيه الضمادي اعلنت حبك لين كل تمناك غلطة وغيري من خطاي استفادي لو لي مثل قلبك تمنيت فرقاك واكيد قبلك بالجفا صرت بادي
