حالات شعر عامي

‏تعاتبنا بقسوه لين شفتك للغياب ارتحت ‏ذبل فيك الغلا واللي بقى ما عاد يلزمني ‏تساميت وخذتني عزتي عن كل شي ورحت ‏وانا في كل خطوه كنت منتظرك تكلمني .

‏أي والله أنك أبوي وأمي وأهليّ ‏وأصحابي أنت وبني عمي وجيراني ‏الله كتب بعد حبك ينتهي أجليّ ‏أعيش وأموت ماحبيت لي ثاني .

أحبك وماني جاحد ومتنكر ‏نزيه ولي لك بقلبي على لساني ‏من أمس واليوم والليله وانا افكر ‏يانصفي الاولي من نصفي الثاني .

الخيبه في أبهى صوره تتمثل بهالبيت : ‏ وأنا أحسب إنك ضلع قايم على أساس ‏وأثرك إذا هبّ الهبوب إستمالك

‏أتغيشم بعض الأحيان لو ماني غشيم ‏وأتجاهل بعض الأشياء وانا داري بها ‏_أسلوب حياه مُقترح .

ساهرً الـبارحه ماجداي الا الونيـن ‏لين قال المأذن الفجر حي على الفلاح ‏يالطيف الروح ماترحم القلب الحزين ‏ارحـم المبتلي بـحبك وقـلبه مـاستراح .

يشوف السنين إللي معك هي عمر و وجّود ‏وباقي السنين إللي بليّاك تقزيره ‏جعل وجهّك أبيض من كثر ما يديك تجّود ‏يا ويش الشعور إللي معي منك تأثيره .

أعتبرني شي راح وعفى عنه الزمان ‏وأعتبرك بـ مجمل العمر شيٍ ماحصل ‏وإن تواجهنا بالآحلام ولا فـ مكان ‏لا تطري لي محبّة ولا تطري وصل .

‏ابشرك قلبي على ما انت خابر ‏يحبك ، و يعشق لقاك و طواريك ! ‏قلبي كبير ، ولكن احيان يكابر ‏يقول ما احبك .. و هو ميتٍ فيك !

ماني قليل شر لو شفتني سمح تعوذ من ابليس وانفض شليلك ان مارميت الرمح لاتمسك الرمح واعرف قبل تمسكه منهو قبيلك ماكل جرح ٍ بالاسف يظفر بدمح حتى ولو بالطيب وافي جميلك. ٰ

‏تراني بعد فرقاك الحال ما من حال ‏هواجيس وافكار حزينه تلاعب بي ‏تلاعب بي الايام والهم غربال ‏وانا في هواكم يا حبيبي يغيب بي

احسّ فيني ضيق ماياسع فَضا ‏لوّ الشوارع والاراضي فاضيه ‏ماعاد في صدري مساحه لـ الرضا ‏غير ابتسِم واتظاهر انّي راضيه .

في مرحلة ما تدرك أن الأمنيات لا تتحقق ، وتبدأ بالتعايش مع هذه الحقيقة المؤلمة ، متعب التركي وصف هذا الشعور جيداً عندما قال : ‏ماني على خبرك حبيبي تراني ‏حتى عن صغار الأماني تنازلت

سنيني ضما ولا عزومي طويلة بال ‏أنا وإن تقلّلت المشاوير .. ياكثري ‏على هامتي كنّ الشوارد سنين أقبال ‏يهون التعب ما هان وجهي ولا قدري .

تجيني ضحكتك مثل البشاير في عيون الضيق ‏وأنام وفي عيوني ضحكتك والقلب في راحه ‏بخوض من الحروب وبنتصر، وأظمأ، وأبلّ الريق ‏من اللي يخسر بحرب الحياة و وجهك سلاحه ؟

إن شفتك مبادر على الواصل للحين ‏شرعت لك بيبان صدري هلا بك ‏وإن شفتك مقفي بـ درب المقفين ‏إشره علي إن جيت طقيت بابك .

‏ارسـم خيالك واعتنــي به واحاكيه واقـص لـه فـي كـل لـحظـه حكايـه واقطف ورود الود والشـوق واعطيه وابنـي لـه قصـور الفـرح في سمايه

يقول عبدالعزيز العبلان : ‏غسّل الدمع عيني لين شفتك عدل ‏أثر بعض العيون إن ما بكت ما تشوف.

وأشدُّ ما يكوي فؤادكَ و الدِّما ‏و يحيلُ دنياكَ السعيدةِ مأْتما . ‏أن يُطعنَ القلبُ الحزينُ بخنجرٍ ‏مِمن ظننتَ بأن يكونَ البلسَما.

خلك وسيع البـال و تحصل الخير ‏وخلك مـع العالم بحسن التعامل.. ‏. ‏وسامح رفيقك لا حصل منه -تقصير ‏واصبر ترى مافي المخآليق كامل