إسلامية

الغريب أن أهل السفينة عاشوا وماتوا، ما يعرفوش إن سيدنا الخضر لما خرق السفينة كان بينقذهم من ملك ظالم....!!! ويمكن أهل الغلام فضلوا طول عمرهم بيدعوا على اللي قـتل ابنهم....!!! حكاية سيدنا الخضر مع سيدنا موسى مش بس بتقول إن فيه حكمة إلهية في كل ابتلاء، لا كمان بتقول إن مش لازم أهل الابتلاء يعرفوا الحكمة منه، وده الاختبار الأصعب! مش لازم ربنا يقولك أنا عملت كده ليه، مش لازم تعرف الرواية التانية للحكاية، علشان كده الصبر مش مجرد صفة محمودة، الصبر بيقصقص جناحات الإنسانية اللي بترفض التسليم بأمور متعرفش الهدف منها، الصبر معجزة...!!!🤍