إسلامية

الغضب الغضب لحظة… بس أثره ممكن يغيّر عمر كامل! كم من كلمة انسحبت بالغضب جرحت قلب وما عاد اتداوى… وكم من قرار طائش وقت العصبية دمّر علاقة أو خسّر إنسان غالي… وكم من موقف بسيط كبر وصار مشكلة كبيرة بس لأنو ما عرفنا نضبط أعصابنا. النبي ﷺ أوصانا وقال: لا تغضب، كررها أكثر من مرة… لأن الغضب مفتاح لكل خطأ، وإذا ما سيطرنا عليه بيجرّنا لندم طويل... الغضب بحد ذاته شعور طبيعي، بس الخطورة لما نخلي الغضب يقودنا بدل ما نحنا نقوده. الكلمة اللي بتطلع بوقت الغضب… ما بترجع. والفعل اللي بيصير بلحظة غضب… ما بينمحى بسهولة. سأل حالك: كم مرة قلت آسف بس لأنك حكيت شي وانت معصب؟ وكم مرة تمنيت الزمن يرجع لورا حتى ما تتصرف بهالطريقة؟ الغضب ممكن يروح بثواني… لكن نتائجه بتضل سنين. فكر منيح… لا تسمح للحظة غضب تدمر لك علاقة، أو قرار، أو حتى حياتكَ 💛🌻.