مقولات واقتباسات

المتعة في الرحلة مش في الوصول! 🤍 - كنت بسمع الجملة دي كتير ومش بقتنع بيها.. إزاي المتعة في الرحلة، إية المتعة أصلًا في إني بتعب وبتسحل حرفيًا في حاجة. - إيه المتعة في إني أصحى بدري وأنا بحب أسهر؟ - إيه المتعة في إني أقعد أشوف محاضرة ساعات وأنا بزهق بسرعة؟ - لحد ما اكتشفت إن المتعة في الرحلة بجد زي ما كانوا بيقولوا.. لإن لحظة الوصول هي لحظة مؤقته وتقريبا مبتكملش ساعة فرحة، وبعدها بتبدأ تخطط لرحلة جديدة.. 🏃 واللي بيتبقالك من ذكراها تعبك وسحلتك دي اللي كنت بتشتكي منها مش لحظة الوصول خالص. - فلو معرفتش تستمتع بالرحلة وتحمد ربنا إنك عندك رحلة أصلًا حقيقي هتخسر كتير.. استمتع بكل خطوة وبتعبك فيها عشان بكره هتكون الذكرى اللي بتفتخر بيها 🤍 - حبيبة محمد.