عن الصداقة

الظروف بتكشف الأصحاب سنة هتلاقي نفسك وقعت في مطب علاقة بَعَدتك شوية عن أغلب الناس ، هيبعد عنك الاصحاب المزيفين ويفضل الاصحاب اللي بجد . سنة تانية تدخل فيها في بداية شغف جديد ياكل نص وقتك هتلاقي نفسك بتبعد عن اللي مش قادرين يفهموك وتفضل مع اللي بيحبوك بجد . شغل جديد بمواعيد صعبة هيبعد عنك الناس اللي مش بيقدروك ويفضل معاك اللي عايزين يستحملوك . تغيرات في وجهات نظرك ومعتقداتك هتنسف من حواليك ناس كتير كانوا قريبين ، وهيفضللك الناس اللي بيحبوا روحك مش اللي حواليك . سنة ظروفك تخليك نِكَدي ، هيبعد عنك بتوع الفرفشة ويفضل بس اللي بيحبوا كل احوالك . عشان كده كل ما الظروف في حياتك بتختلف وتخليك انت كشخص تتغير ، كل ما تعرف حقيقة اللي حواليك ، واللي مكمل معاك الرحلة بكل التقلبات دي . وقتها بس هتعرف ان الشخص دا مش صاحب .. ده أخ 🤍.