صباحية و مسائية

‏رسالة الصّباح، رسالة العمر كلّه🌱 فيه أمور كثيرة في حياتنا حلّها في إنك تتقبلها برضا، وتدرّب نفسك تتعايش معها؛ لأن مواجهتها كل مرة تكسر بقلبك شيء، وتحاول إنك تتجاوزها بهدوء؛ لأن ضيقة صدرك و تعكر مزاجك ما يغيّر فيها ولا يبدل. أولاً وآخرًا : ثق إنّ ربك ما يقدّر لك إلا الخير، الخير وبس! مهما تشوفه صعب وشاقّ و يوجع إلا إنه الخير اللي ممكن ما تشوفه، ولا تحس به لكنّه خير لك في دنياك وآخرتك، لا تتخيل بيوم إن فيه أحد بيرحمك أكثر من ربّك الرّحيم، خليك متطمّن ليومك و بكرا ومستقبلك، مادمت مع ربّك ما يضيّعك، ما دمت تدعيه بيعطيك اللي تبي وأكثر، مادام ظنك فيه جميل فأبشر بالجميل عمر الحياة ما وقفت على شخص حبيناه وراح، ولا أمنية تقطعت قلوبنا لها وفاتت، ولا مرض أوجعنا كثير، ولا بلاء خبيناه بصدورنا عن العالم. الحياة تمشي تمشي ، امش معها لرضا ربّك، لا توقّف ولا تيأس .. لا تيأس أبد! اللي يحسن ظنّه بربّه بيكون ربّه عند حسن ظنّه وأكبـــر، بتشوف وشلون عطاياه تملأ حياتك ، بتشوف وشلون فرجه يمر على ضيقاتك ويمسحها كلّها .. لا تستعجل ، وألحّ بدعواتك كثير .. ربّك الكريم 💛💛🌿.