رمضان

رمضان باقى عليه ايام بسيطة ركز في اهم 10 حاجات ممكن تاخد بالك منهم: ١- ماتتكلمش كثير وإنت صائم، ما تهزرش كثير،ما تعليش صوتك ليه ..؟ *حديث النبي صلى الله عليه وسلم (فإن كان صوم أحدكم فلا يرفث ولا يصخب) ٢- لو حد ضايقك في أي حاجة... ما تردش عليه.. قل : إني صائم ٣- رمضان مش من الفجر للمغرب رمضان  30 يوم ليل ونهار، فلو الصيام بالجوارح بالنهار .. فالصيام بالقلب بالليل والنهار.. ٤- كل الناس ممكن تصلى وتصوم وتقرا قرآن، بس ما يعرفوش إن الهدف من ده كله هو التقوى .. فركز إن سلوكك يتعدل ويتحسن .. ركز إن قلبك يتعدل ... ركز إن العبادات تغير في المعاملات .. لو بتكذب بطل .. لو بتغتاب كفاية توب. اتغير سلوكيا بجد ..!! ه - للصائم دعوة لا ترد.. فجهز ما تريد من الدعوات. ٦- هات السبحة الإلكترونية وخليها في جيبك على طول ... وحط هدف إن كل يوم على الأقل تذكر ربنا ١٠ آلاف مره... نَوّع في الذكر.. ما بين تحميد وتسبيح وتكبير .. الخ ٧- ما تعديش يوم من غير صدقة، حتى لو جنية واحد.. هتلاقى كرم ما بعده كرم في الدنيا قبل الآخرة... ما نقص مال من صدقة ... فيضاعفه الله اضعافًا كثيره ٨- كل يوم ربنا ليه عتقاء من النار، اطلب من ربنا من كل قلبك كل ليلة إن ما اعتقك قبل كده فيعتقك هذا اليوم، ولله عتقاء من النار وذلك في كل ليلة. ٩- خلي ختمة السنه دي مش قراءة بس العبرة مش بالعدد، هات المصحف اللي فيه المعاني، وأقرأ معانى كل صفحة تقرأها..وشوف إنت فين منها. اللَّهم بلغنا رَمضان وبَارك لَنا فيه..